MAM у сетцы
Фотажурналістыка. Камэрафон
Фатаграфія мае вялікае значэньне ў сьферы масавых камунікацыяў. Як казаў Ролан Барт: “Ça a été” - гэта было. Такім чынам у першую чаргу фатаграфія – дакумантальнае пасьведчаньне. У другую – магчымасьць надаць асаблівую ўвагу. У трэцюю – сродак творчай рэалізацыі. І г. д. Кожны чалавек можа працягваць гэты пералік бясконца. Але самае галоўнае, фатаграфіі можна зьмяшчаць на сваех сайтах, блёгах і ў сваёй уласнай газэце. Самы просты й эфектыўны шлях стварыць апошнюю – перайсьці на www.mammedia.org.
Сёньня амаль кожны мабільнік зьяўляецца яшчэ й камэрафонам, і зь яго дапамогаю даволі проста й хутка зрабіць здымак, таго здарэньня ці зьявы, якая цікавіць цябе ці можа зацікавіць іншых. Як лепш карыстацца камэрай? Прапаную некалькі парадаў.
- Фатаграфія Дін Коў (Dean Coe, My Shot)
Пазьбягай простых сонечных промняў. Чалавек, якога ты здымаеш, будзе выглядаць лепш, шчасьлівей і больш прывабна, калі яму ў вочы ня будзе біць асьляпляючае праменьне. Імкніся паставіць яго/яе у самае сьветлае мейсца ценю, якое здолееш знайсьці.
- Фатаграфія Шэлдана Вуда (Sheldon Wood)
Усталёўвай лепшую якасьць здымкаў , якая толькі даступна. Такім чынам ты страціш меньш дэталяў і не атрымаеш змазаны здымак. Калі ты мусіш выбіраць паміж якасьцю й дазваленьнем, каб захаваць вольнае мейсца, але не зьбіраешся раздрукоўваць фатаграфіі – паменьш дазваленьне.
- Фатаграфія Сандры Форбс (Sandra Forbes)
Чакай “магічную гадзіну”. Падчас сьвітаньня ці захаду нябёсы каляровыя настолькі, што нават камэрафон зробіць здымак даволі добрай якасьці.
- Фатаграфія Куртіса Гастана (Curtis Gaston, My Shot)
Карыстайся правілам “дзявяткі”. Калі складаеш кампазыцыю, уяві дзьве вертыкальных і дзьве гарызантальных лініі, якія перакрыжоўваюцца такім чынам, што ўтвараюць сетку зь дзевяцьцю роўнымі простакутнікамі. Пакідай выразныя рысы, напрыклад, гарызонт проста на лініях, а цікавыя элемэнты на скрыжаваньнях гэтах ліній.
- Фатаграфія Самуіл Х. (Samuil. H)
Калі фон тваёй выявы ня выразны й асьвятленьне пакідае пытаньні, наблізься да аб’екту сваёй зацікаўленасьці настолькі, каб ён займаў амаль усю прастору здымку.
- Фатаграфія Крысталь Льюгоў (Crystal Lugo)
Прызвычайся да вытрымкі твайго камэрафону. Калі здараецца нешта цікавае, ты павінен(-на) добра адчуваць момант і націснуць на кнопку менавіта пад час кульмінацыі здарэньня.
- Фатаграфія Марка Джонсана(Mark Johnson)
Усталёўвай правільныя наладкі колеру. Здымка ў ч/б пры любым асьвятленьні можа разьвіць твае фатаграфічныя здольнасьці, дазваляючы канцэнтравацца на адноснасьці паміж сьвятлом і ценямі, не адцягваючы ўвагі на колеры.
- Фатаграфія Лі Страйц(Lee Streitz)
Зьмяшчай далягляды ў правільных мейсцах. Для дасягненьня драматычнага эфекту, можна апусьціць лінію гарызонту ніжэй, такім чынам прыцянуўшы ўвагу да захапляльных нябёсаў.
Крыніца - National Geographic
Аўтар - Mart Vera