П

Падзагаловак

- павінен знаходзіцца крыху ніжэй чым загаловак, яго мэта – тлумачэньне або ўдакладненьне загалоўку і яго сувязяў з артыкулам. 

Палеміка

- спрэчка, публічная дыскусія, якая звычайна праводзіцца на старонках часопіса на палітычныя, грамадзкія і іншыя тэмы.  

Прэсавая канфэрэнцыя

- мэдыйная падзея, калі асоба, якая жадае паведаміць мэдыям пэўную інфармацыю, запрашае журналістаў, каб тыя выслухалі інфармацыю і – часта – маглі задаць свае пытаньні, датычныя гэтай інфармацыі. 

Публіцыст

- (ням. Publizist з фр. publiciste ад public ‘публічны, усеагульны) аўтар публіцыстычных тэкстаў, якія друкуюцца ў штодзённай прэсе, перыядычных выданьнях; пісьменьнік, журналіст, які займаецца публіцыстыкай.