Партал Vimeo абвесьціў конкурс крэатыўных відэа. Галоўны прыз - грант памерам $25, 000 на стварэньне відэа. Ацэньваць працы будзе прафэсыйнае журы, якое ўзначальвае рэжысер Дэвід Лінч.

Прымаць удзел у конкурсе могуць асобы, якім споўнілася 18 год. Конкурс адбываецца ў 9 катэгорыях, сярод якіх дакумэнтальнае відэа, анімацыя, эксперыментальнае відэа, музычнае відэа, сэрыял, відэа-рэмікс ды йнш. Поўны пералік катэгорыяў, іх апісаньне ды патрабаваньні да працаў можна знайсьці тут.

Для таго, каб прыняць удзел у конкурсе, неабходна:

1. Зарэгістравацца на сайце  vimeo.com;
2. запоўніць форму заяўкі на сайце конкурсу;
3. запампаваць відэа;
4. заплаціць унёсак удзельніка, які складае $20 (для ўладальнікаў платных рахункаў на Vimeo - $5);
5. Пацьвердзіць, што вы пагаджаецеся з правіламі конкурсу.

Удзельнік можа падаваць на разгляд неабмежаваную колькасьць працаў у кожнай з катэгорыяўх. Унёсак удзельніка, адпаведна, неабходна плаціць за кожнае відэа.

Пераможца атрымае грант памерам $25, 000 і запрашэньне прадставіць сваю працу на відэафэстывалі Vimeo ў 2011 годзе.

Апошні тэрмін падачы працаў - 30 ліпеня 2010 г.

Больш падрабязная інфармацыя.